सेयर बजारमा र्‍यान्समवेयर आक्रमणबारे नेप्सेको झारा टार्ने सुझाव

१३ कात्तिक, काठमाडौं । डेटा सेन्टरमा र्‍यान्समवेयर आक्रमण भएपछि असोज ५ गते सेयर कारोबार नै बन्द गर्नुपर्‍यो । यस्तो आक्रमणपछि डेटा सेन्टर सञ्चालन गर्ने कम्पनी ‘डेटा हब’ले होस्टिङ गरेका ७२ ब्रोकर कम्पनीको कारोबार प्रणाली (टीएमएस) अवरुद्ध भएको थियो ।

र्‍यान्समवेयर आक्रमण हुँदा ब्रोकरका कारोबार प्रणाली, ग्राहकका विवरण वा कारोबार सञ्चालन गर्न आवश्यक तथ्यांकमा पहुँच अवरुद्ध हुन जान्छ । यस्तो आक्रमणमा ह्याकरहरूले सर्भरभित्र छिरेर फाइलहरूलाई इन्क्रिप्ट गरिदिने र उनीहरूले सिस्टमको पहुँच लिएर महत्त्वपूर्ण फाइलहरूको एक्स्टेन्सन नै परिवर्तन गरिदिन्छन् । त्यसपछि डेटा सर्भरमा भए पनि खोलिँदैन, चल्दैन ।