बाँकेका किसानलाई धान भित्र्याउन भ्याइनभ्याइ

अर्णव चक्रपातको प्रभावले मौसम बदली भई वर्षा हुने सम्भावना बढेपछि बाँकेका किसानलाई पाकेको धान भित्र्याउन भ्याइनभ्याइ भएको छ । आकाशमा कालो बादल मडारिन थालेसँगै वर्षाले पाकेको धानबालीमा क्षति पुर्‍याउने चिन्ताले किसानहरू बिहानदेखि रातिसम्म खेतमै व्यस्त हुन थालेका छन् ।

धान काटेर खेतमै सुकाउन राखेका किसानलाई वर्षाले भिजाउने चिन्ता छ भने काट्न बाँकी रहेकालाई हावाहुरी र पानीले धान ढाल्ने डर छ । त्यसैले सम्भावित वर्षाअघि नै धानबाली सुरक्षित रूपमा भित्र्याउन किसानहरू हतारिएका छन् ।