संवैधानिक इजलास गठन गर्न सर्वोच्च बारको माग

काठमाडौँ- सर्वोच्च अदालत बार एसोसिएसनले संविधानको मर्मअनुसार संवैधानिक इजलास गठन गरी न्यायपालिकाको स्वतन्त्रता, निष्पक्षता र प्रभावकारिता सुनिश्चित गर्न सर्वोच्च अदालतसँग माग गरेको छ।

बार एसोसिएसनले शुक्रबार जारी गरेको प्रेस विज्ञप्तिमा सर्वोच्च अदालतमा संवैधानिक इजलास गठनसम्बन्धी विवाद, न्यायिक कामकारबाहीमा बाह्य प्रभाव तथा न्याय सम्पादनमा विभिन्न पक्षको संलग्नताप्रति गम्भीर चिन्ता व्यक्त गरेको छ।