नेपालसँगको सीमा नाका खुलाउन चीनको आनाकानी

काठमाडौँ । भदौ १० मा भोटेकोशी नदीमा आएको बाढीले रसुवागढी नाका बन्द भयो । मुस्ताङको कोरला नाका असोज ९ मा परेको पानीले अवरुद्ध भयो । बाँकी रहेको तातोेपानी नाका तत्कालै सञ्चालन गर्ने अवस्थामा चीन देखिएको छैन ।

दसैँको बेला तीन दिनका लागि खुलेको तातोपानी नाका अहिले पुनः बन्द भएको छ । त्यो नाका कहिले खुल्छ भन्ने टुङ्गो छैन । सिन्धुपाल्चोकका सहायक प्रमुख जिल्ला अधिकारी कृष्णप्रसाद शर्माले कोदारी (इको) पहिरो गएको ठाउँमा चिनियाँ पक्षले काम गरिरहेको कारण अहिले नाका सञ्चालनमा नरहेको बताए ।