चैतदेखि यता १२० निर्माण व्यवसायी र कम्पनी कालोसूचीमा

काठमाडौँ । सार्वजनिक खरिद प्रक्रियालाई पारदर्शी, जवाफदेही र विश्वसनीय बनाउने सरकारको नीतिअनुरूप सार्वजनिक खरिद अनुगमन कार्यालयले गत चैत १३ यता १२० वटा फर्म तथा कम्पनीलाई कालोसूचीमा राखेको छ ।

प्रधानमन्त्री तथा मन्त्रिपरिषद्को कार्यालय मातहत रहेको अनुगमन कार्यालयका अनुसार सार्वजनिक खरिदसम्बन्धी प्रचलित ऐन, नियम र प्रक्रियाको पालना नगर्ने तथा तोकिएको जिम्मेवारी पूरा नगर्ने कम्पनीहरूमाथि यस्तो कारबाही गरिएको हो ।