अर्नब चक्रवातको प्रभावः शनिबारसम्म वर्षा र हिमपातको सम्भावना

अर्नब चक्रवातको शक्ति क्षय हुँदै न्यूनचापीय प्रणालीमा परिणत भएपछि नेपालका अधिकांश स्थानमा वर्षा भइरहेको छ। शुक्रबार साँझसम्म देशभर हल्कादेखि मध्यम वर्षा भइरहेको छ भने शनिबार बिहानसम्म कोशी, मधेश, बागमती र गण्डकी प्रदेशमा वर्षाको तीव्रता केही बढ्ने सम्भावना रहेको मौसमविद्ले बताएका छन्।

मौसमविद् उज्ज्वल उपाध्यायका अनुसार पछिल्लो १२ घण्टामा कोशी प्रदेशमा औसत करिब ४० मिलिमिटर, मधेशमा २० मिलिमिटर, बागमतीमा १५ मिलिमिटर र गण्डकी प्रदेशमा सात मिलिमिटर वर्षा भएको छ।