२४ घण्टे ‘स्टार्टअप ह्याकाथन’ आयोजना हुँदै

१३ कात्तिक, काठमाडौं । नेपालमा २४ घण्टे ‘स्टार्टअप ह्याकाथन’ आयोजना हुने भएको छ ।

स्टार्टअप उद्यमशीलता विकास, नवप्रवर्तन प्रोत्साहन तथा सम्भावनायुक्त उद्यमलाई लगानीका अवसरसँग जोड्ने उद्देश्यले नेपाल उद्योग परिसंघ युवा उद्यमी मञ्च (सीएनआईवाईईएफ) र द स्टार्टअप नेटवर्क नेपालको संयुक्त आयोजनामा आगामी नोभेम्बर ५ र ६ मा २४ घण्टे स्टार्टअप ह्याकाथन आयोजना हुने भएको हो । ह्याकाथन काठमाडौं वर्ल्ड स्कुलमा आयोजना हुनेछ ।