मिडिया हाउसमाथि हस्तक्षेपको शैलीले सुशासनको खिल्ली उडाएको जेनजी अभियन्ता बमको आरोप

काठमाडाैँ – जेनजी अभियन्ता रक्षा बमले राष्ट्रिय स्वतन्त्र पार्टी (रास्वपा) र त्यसका सभापति रवि लामिछानेमाथि कडा आलोचना गरेकी छन्। सामाजिक सञ्जालमार्फत टिप्पणी गर्दै उनले अब रास्वपाले सुशासनको नारा नलगाउन आग्रह गरेकी हुन्।

अभियन्ता बमले रास्वपा नेतृत्वको सरकारको कार्यशैलीबाट ‘पञ्चायती गन्ध’ आएको उल्लेख गरेकी छन्। उनले पार्टीका कार्यकर्ताबाट मिडिया हाउसअगाडि गाडी तेर्स्याउने र मिडिया हाउसभित्रै प्रवेश गरेर पत्रकारलाई तर्साउने जस्ता घटनाहरू भइरहेको भन्दै आपत्ति जनाएकी छिन्।