उदयपुरमा शनिबारदेखि त्रियुगा गोल्डकप : ७ वर्षदेखि अवरुद्ध उदयपुर गोल्डकपको तिर्खा मेटिँदै

कात्तिक १४ देखि सुरु हुन लागेको प्रथम त्रियुगा गोल्डकप फुटबल प्रतियोगिता–२०८३ को सम्पूर्ण तयारी पूरा भएको छ। सदरमुकाम त्रियुगा नगरपालिका–१३ स्थित हवाईफिल्डको थरुहट उदयपुर रंगशालामा हुन लागेको प्रतियोगिताको तयारी पूरा भएको आयोजकले जनाएको छ।

आयोजक गाईघाट फुटबल क्लबका अध्यक्ष रञ्जन कार्कीका अनुसार त्रियुगा नगरपालिका तथा विभिन्न संघसंस्थाको सहयोगमा सञ्चालन हुन लागेको प्रतियोगिता कात्तिक २१ गतेसम्म चल्नेछ। प्रतियोगिताको विजेता टोलीले ५ लाख रुपैयाँ नगद पुरस्कारसहित ट्रफी र प्रमाणपत्र प्राप्त गर्नेछ। प्रतियोगितामा देश तथा विदेशका टोलीको सहभागिता रहने अध्यक्ष कार्कीले बताए।