पत्रकार पक्राउको कानुनी आधार सार्वजनिक गर्न प्रेस काउन्सिलको माग

काठमाडौं– प्रेस काउन्सिल नेपालले पक्राउ गरिएका पत्रकारको अवस्था र पक्राउको कानुनी आधार तत्काल सार्वजनिक गर्न सरकार तथा प्रहरी प्रशासनसँग माग गरेको छ ।

काउन्सिलले पक्राउको स्पष्ट कारण नखुलाइएको, पक्राउ पुर्जी नदेखाइएको र अदालतको अनुमति लिइएको नदेखिएको अवस्थामा पत्रकारलाई नियन्त्रणमा लिइनु गम्भीर आपत्तिको विषय भएको जनाएको छ ।