पत्रकार नियन्त्रणबारे एमाले महासचिवले भने- सर्वसत्तावादी अभ्यास

१३ कात्तिक, काठमाडौं। नेकपा एमालेका महासचिव शंकर पोखरेलले विनापूर्जी नागरिकलाई पक्राउ गर्नु सर्वसत्तावादी अभ्यास भएको बताएका छन्। शुक्रबार विभिन्न मिडियाको समाचार कक्षमा सादा पोसाकमा प्रहरी प्रवेश गरेर पत्रकारलाई नियन्त्रणमा लिएको सन्दर्भमा यस्तो बताएका हुन्।

‘विनापूर्जी पक्राउ गर्नु नागरिकमाथि त्रास फैलाउने सर्वसत्तावादी अभ्यास हो। शक्ति पृथकीकरणको सिद्धान्तविपरीत राज्यका सबै अंगलाई त्रासमा राखेर नियन्त्रणमा लिन खोज्नु फासीवादको स्पष्ट संकेत हो’, उनले भनेका छन्, ‘सामाजिक सञ्जालको लहरबाट उदाएको जनमतले शासकीय शैली विधिसम्मत बनाउन सकेन भने, त्यही जनमत उल्टिन समय लाग्दैन। समयमै सचेत हुनु राम्रो!’