पत्रकारको धरपकडप्रति रास्वपाको गम्भीर ध्यानाकर्षण

काठमाडाैँ – विभिन्न सञ्चारमाध्यमका पत्रकार तथा सञ्चारकर्मीमाथि भइरहेका सोधपुछ, धरपकड र पक्राउका घटनाप्रति सत्ताको नेतृत्वकर्ता दल राष्ट्रिय स्वतन्त्र पार्टी (रास्वपा) ले गम्भीर ध्यानाकर्षण भएको जनाएको छ। रास्वपाका प्रवक्ता जगदीश खरेलले यस विषयमा स्पष्ट पार्न सरकारको ध्यानाकर्षण गराएका हुन् ।

पार्टीले मौलिक हकका रूपमा रहेको प्रेस तथा अभिव्यक्ति स्वतन्त्रताप्रति रास्वपा सधैँ सम्मान र जिम्मेवार रहेको प्रष्ट पारेको छ। समाचारको विषयलाई लिएर कुनै पनि पत्रकार वा सञ्चारकर्मीलाई गैरकानूनी रूपमा पक्राउ गर्न नपाइने विषयमा पार्टीको धारणा दृढ रहेको प्रवक्ता खरेलले उल्लेख गरेका छन्।