पत्रकारलाई धम्क्याउने र पक्राउ गर्ने कार्य तत्काल बन्द गरियोस्- राप्रपा प्रवक्ता श्रेष्ठ

राष्ट्रिय प्रजातन्त्र पार्टी (राप्रपा) का प्रवक्ता मोहन श्रेष्ठले समाचारको स्रोत खुलाउन पत्रकारलाई दबाब दिने, धम्क्याउने तथा प्रहरी लगाएर पक्राउ गर्ने कार्यप्रति आपत्ति जनाएका छन्।

विभिन्न सञ्चारमाध्यममा कार्यरत पत्रकारमाथि समाचारको स्रोत खुलाउन अनावश्यक दबाब दिने र सञ्चारगृह तथा समाचार कक्षमै प्रवेश गरेर पक्राउ गर्ने कार्य लोकतान्त्रिक मूल्य, प्रेस स्वतन्त्रता र स्वतन्त्र पत्रकारिताको मर्मविपरीत रहेको उनले बताएका छन्।