पत्रकार गिरफ्तार गर्नु सर्वसत्तावादी प्रवृत्तिको पराकाष्ठा हो: कांग्रेसका महामन्त्री पौडेल

काठमाडाैँ – समाचार संकलन तथा सूचना सार्वजनिक गरेकै भरमा प्रहरी परिचालन गरी पत्रकारलाई गिरफ्तार गरिएको घटनाप्रति नेपाली कांग्रेसका महामन्त्री प्रदिप पौडेलले कडा आपत्ति जनाएका छन्। उनले यस किसिमको कार्यलाई सर्वसत्तावादी प्रवृत्तिको पराकाष्ठा भन्दै सरकारको चर्को आलोचना गरेका छन्।

सार्वजनिक पदधारण गरेका व्यक्तिका गतिविधि, न्यायिक शुद्धता र शक्ति दुरुपयोगका विषयमा खोजीनीति गरी नागरिकलाई सुसूचित गराउनु प्रेसको संवैधानिक कर्तव्य भएको महामन्त्री पौडेलले स्मरण गराएका छन्।