भोटेकोशी बाढीमा बेपत्ता प्रहरी जवान आशिषको कुशको श`व बनाएर अन्त्येष्टि

गत भदौ १० गते भोटेकोशीमा आएको भीषण बाढीमा बेपत्ता भएका प्रहरी जवान आशिष गडरियाको कुशको शव बनाएर परिवारले कपिलवस्तुको महाराजगन्ज नगरपालिका बर्गदीघाट पुल नजिकै अन्त्येष्टि गरेका छन्।

महाराजगन्ज नगरपालिका ४ बरईपुरका उनी दुई महिनाभन्दा बढी समय बित्दा पनि अवस्था अज्ञात भएपछि कुशको शव बनाएर परिवारले दाहसंस्कार गरेका हुन्। रसुवाको मैलुङ प्रहरी चौकीमा ड्युटी गरेकै बेला उनलाई बाढीले बगाएर बेपत्ता बनाएको थियो। शव फेला पर्ने आश मरेपछि उनका बुवा खेदु गडरियाले कुशको शव बनाएर दागबत्ती दिएर छोराको दाहसंस्कार गरेका हुन्।