समाचार कक्षबाटै पत्रकार पक्राउ गरिएपछि कांग्रेसले भन्यो : ‘शाहीकालीन निरङ्कुशताको झल्को दियो’

काठमाडौं : नेपाली कांग्रेसले समाचार कक्षमै प्रहरी परिचालन गरेर पत्रकारहरूलाई पक्राउ गरेको र धरपकड गरेको घटनाले 'शाही कालको निरङ्कुशताको झल्को' दिएको जनाएको छ।

पार्टी सभापति गगनकुमार थापाद्वारा शुक्रबार जारी विज्ञप्तिमा सञ्चारगृहमा प्रहरी प्रवेश गराएर पत्रकारलाई नियन्त्रणमा लिने र जनदबाबपछि मात्रै रिहा गर्ने प्रवृत्ति बन्द गर्न माग गरिएको छ। कांग्रेसले जनदबाबपछि रिहाइ गर्नुभन्दा कानुन विपरीत गरिने धरपकड र 'ह्यारेस्मेन्ट' रोक्न सरकारसँग माग गरिएको छ।