गखेप पदक विवाद : कारबाही रोक्न अदालत पुगे सदस्य सचिव शर्मा, अन्तरिम आदेश दिन अस्वीकार

गण्डकी प्रदेश खेलकुद परिषद् (गखेप) का सदस्य सचिव श्रीधर शर्मा आफूमाथि हुन लागेको कारबाही रोक्न माग गर्दै अदालत पुगेका छन्।

गखेप पदक वितरणमा भएको विवादबारे अनुसन्धान गर्न प्रदेश सरकारले बनाएको छानबिन समितिको सिफारिसमा गण्डकी प्रदेश सरकारले उनलाई कारबाही गर्ने तयारी गरेपछि सो कारबाही रोक्न माग गर्दै उनी उच्च अदालत पोखरा पुगेका हुन्। शर्माले आफूमाथि हुन लागेको कारबाही रोक्न उत्प्रेषणयुक्त परमादेश माग गर्दै रिट हालेका थिए। तर न्यायाधीश हरिप्रसाद पौडेलले अन्तरिम आदेश दिन अस्वीकार गरेका छन्।