इजराइलको निर्वाचनमा विदेशी हस्तक्षेपको आरोप, अनुसन्धानमा मोसाद र शिन बेट

काठमाडौं । इजराइलमा सम्पन्न निर्वाचनमा विदेशी शक्तिले हस्तक्षेप गरेको आरोप लागेपछि देशका प्रमुख गुप्तचर निकायले अनुसन्धान गर्ने भएका छन्। कतारसहित केही विदेशी मुलुकले अरब मतदातालाई पैसा दिएर बढीभन्दा बढी मतदान गराउने प्रयास गरेको आरोपबारे इजराइलको गुप्तचर निकाय मोसाद र आन्तरिक सुरक्षा निकाय शिन बेटले संयुक्त रूपमा अनुसन्धान गर्ने भएका हुन्।

इजरायली समाचार च्यानल १२ को रिपोर्टअनुसार, यसै साता सम्पन्न निर्वाचनमा विदेशी मुलुकको सम्भावित हस्तक्षेपबारे अनुसन्धान अघि बढाउन लागिएको हो। आरोपअनुसार कतार र केही अन्य देशले अरब मतदातालाई आर्थिक प्रलोभन दिएर मतदानमा सहभागी गराउने प्रयास गरेका थिए। यद्यपि, यी आरोप पुष्टि भइसकेका छैनन्।