उत्तरी हुम्लामा भारी हिमपात, जनजीवन प्रभावित

उत्तरी हुम्लामा भारी हिमपात भइरहेको छ । शनिबार रातिदेखि सिमकोट र नाम्खा गाउँपालिकाका उच्च क्षेत्रमा हिमपात हुन थालेपछि स्थानीयको जनजीवन प्रभावित भएको छ ।

नाम्खा गाउँपालिका–५ र ६ अन्तर्गत हिल्सा, यारी, नारा, न्यालु, लिमी, लाप्चा र चालालगायत उच्च क्षेत्रमा भारी हिमपात भइरहेको यारी नाका भन्सार कार्यालयका प्रमुख रामराज जैसीले बताउनुभयो । उहाँका अनुसार शुक्रबार दिउँसो वर्षा भए पनि शनिबार रातिदेखि सुरु भएको हिमपात अझै रोकिएको छैन ।