स्याङ्जामा आलुमा आत्मनिर्भर बनाउन अनुदान

स्याङ्जा । धान थन्क्याएर आलुखेती गर्ने किसानलाई कृषि विकास कार्यालय स्याङजाले अनुदानको व्यवस्था गरेको छ । स्याङ्जालाई आलुमा आत्मनिर्भर बनाउन कृषि विकास कार्यालयले अनुदानको प्याकेज अगाडी सारेको हो । जिल्लाभरका २८ वटा समूह र सहकारीलाई १ हजार ६ सय ४० रोपनीमा आलुखेती गर्न ७५ लाख रुपैयाँ अनुदान दिने भएको छ ।

चालु आर्थिक वर्ष २०८३–८४ का लागि कार्यालयले सामुहिक आलुखेती गर्न २८ संस्था छनोट गरेको छ । जसमा ७ नयाँ र २१ पुराना छन् । नयाँ संस्थाले २५० रोपनी र पुरानाले १३९० रोपनीमा आलुखेती गर्नेछन् । यो बर्ष क्षेत्रफलको संख्या बढ्ने छ ।