सुरुङ खनी भेरी नदी पार गरेर डोल्पा कारागारबाट आठ कैदी भागे

सुर्खेत : जिल्ला कारागार डोल्पाबाट सुरुङ खनेर आठ जना कैदीबन्दी फरार भएका छन्। भेरी नदीको किनारमा अवस्थित कारागार भवनबाट शुक्रबार राति उनीहरू सुरुङ खनी भाग्न सफल भएका हुन्।

डोल्पाकी प्रमुख जिल्ला अधिकारी (प्रजिअ) जुनु हमालका अनुसार कारागारमा रहेका कुल १७ जना कैदीबन्दीमध्ये झन्डै आधा अर्थात् आठ जना एकैपटक फरार भएका हुन्।