डोल्पा कारागारमा सुरुङ खनेर आठ कैदीबन्दी फरार

सुर्खेत । डोल्पाको जिल्ला कारागारबाट सुरुङ खनेर आठ जना कैदीबन्दी फरार भएका छन्। कारागारमा रहेका १७ जनामध्ये आठ जना फरार भएका हुन् ।

जिल्ला सदरमुकाम दुनैस्थित कारागारबाट फरार भएका उनीहरूले ४.६३ मिटर लामो सुरुङ खनेर भागेको जिल्ला प्रशासन कार्यालय डोल्पाले जनाएको छ । शनिबार बिहान कैदीबन्दीको गणना गर्ने क्रममा आठ जना कम देखिएपछि घटना सार्वजनिक भएको हो ।