तुलसीपुर बजारका सडकमा दाताहरूले ‘डिभाइडर’ दिएपछि...

राप्ती लोकमार्गअन्तर्गत दाङको तुलसीपुर बजारको गुम्राहचोकमा गत साउन २१ गते टिप्परको ठक्करबाट तुलसीपुर उपमहानगरपालिका-११ निवासी २१ वर्षीया कल्पना केसीको मृत्यु भयो ।

कल्पनाको मृत्यु भएकै स्थानमा आठ दिनपछि तुलसीपुर-१४ ड्वाङपुरका ३३ वर्षीय कमलेश चौधरीको दुर्घटना परी मृत्यु भएको थियो । यी केही उदाहरण मात्रै हुन् । उक्त सडकमा डिभाइडर ( सडकलाई दुई वा सोभन्दा बढी भागमा छुट्टयाउने बीचको अवरोध वा संरचना) नहुँदा दिनप्रतिदिन यसरी दुर्घटना हुने गरेको थियो ।