बारामा स्थिति तनावग्रस्त : प्रहरीले चलायो गोली, बालकलाई लाग्यो

काठमाडौं । बाराको फेटा गाउँपालिका–३ मा नवनिर्मित १५ शय्याको आधारभूत अस्पताल उद्घाटन गर्ने विषयलाई लिएर दुई पक्षबीच झडप भएको छ। शनिबार बिहान सुरु भएको विवादले उग्ररूप लिएपछि प्रहरीले हस्तक्षेप गरेको थियो।

जिल्ला प्रहरी कार्यालय बाराका अनुसार बिहान करिब १०ः३० बजे सुरु भएको विवाद झडपमा परिणत भएको हो। स्थिति नियन्त्रणमा लिने क्रममा प्रहरीले चलाएको गोली लागेर एक स्थानीय बालक घाइते भएका छन्। बाराका सहायक प्रमुख जिल्ला अधिकारी छविरमण भट्टराईले घटनाको पुष्टि गरेका छन्।