पृथ्वी राजमार्गको सीमलधारामा पहिरो, सडक एकतर्फी अवरुद्ध

काठमाडौँ । पृथ्वी राजमार्गअन्तर्गत सीमलधारामा आज दिउँसो पहिरो खस्दा सडक एकतर्फी अवरुद्ध भएको छ । चितवनको इच्छाकामना गाउँपालिका–४, मुग्लिन बजारनजिकै पहिरो खस्दा सडक एकतर्फी अवरुद्ध भएको हो ।

अहिले सडक दुईतर्फी सञ्चालनमा ल्याउन तीन वटा मेसिन प्रयोग गरेर पहिरो हटाउने काम भइरहेको इलाका प्रहरी कार्यालय मुग्लिनले जनाएको छ ।