हाँससँगै रमाएका शंकर, वर्षेनी बेच्छन् १५ हजार चल्ला

चितवनमा व्यावसायिक रूपमा हाँसपालन गर्ने किसानको संख्या अझै सीमित छ। फर्म नै दर्ता गरेर व्यवस्थित रूपमा हाँसपालन गर्ने व्यवसायी त झन् कम छन्। तर, यही क्षेत्रमा सम्भावना देखेर भरतपुर महानगरपालिका–१७, शारदानगरका शंकर महत्तो विगत पाँच वर्षदेखि व्यावसायिक हाँसपालनमा रमाइरहेका छन्।

पाँच वर्षअघि ‘अमेरिकन हाँस तथा माछा फर्म’ दर्ता गरेर हाँसपालन सुरु गरेका महत्तोले अहिले चल्ला उत्पादनलाई आफ्नो मुख्य व्यवसाय बनाएका छन्। उनको फर्ममा हाल करिब ६ सय हाँस छन् भने वार्षिक १५ हजारभन्दा बढी चल्ला उत्पादन गरी बिक्री गर्दै आएका छन्।