पत्रकारमाथि धरपकडले रास्वपाभित्रको झगडा उदांगो भयो : प्रभु साह

१४ कात्तिक, काठमाडौं । आम जनता पार्टी (आजपा)का अध्यक्ष प्रभु साहले सञ्चारगृहमा सादा पोशाकमा प्रहरी पठाएर राज्यले आतंक सिर्जना गरेको बताएका छन् । शनिबार अग्रगामी मोर्चाको भैरहवामा आयोजित कार्यक्रमलाई सम्बोधन गर्दै उनले पत्रकारहरूमाथि भएको धरपकडको निन्दा गरे ।

‘पत्रकारहरूमाथि भएको धरपकडले रास्वपाको घरझगडा उदांगो भयो’, अध्यक्ष साहले भने, ‘पत्रकार पक्राउ गरिएको घटनाबारे प्रधानमन्त्रीलाई जानकारी नभएको भनिएको छ । त्यसोभए देश कसले चलाएको छ त ?’