साँखुमा १०१ खेलाडीबिच खुला फिड र्‍यापिड रेटिङ चेस प्रतियोगिता सुरु

बुद्धिचाल खेलको विकास, स्थानीय प्रतिभाको पहिचान तथा खेलाडीको प्रतिस्पर्धात्मक क्षमता अभिवृद्धि गर्ने लक्ष्यका साथ काठमाडौंको साँखुमा खुला फिडे र्‍यापिड रेटिङ बुद्धिचाल प्रतियोगिता–२०८३ सुरु भएको छ । ज्यापू महागुथि नेपाः सक्वको आयोजनामा शनिबारदेखि सुरु भएको ओपन फिडे र्‍यापिड रेटिङ चेस प्रतियोगिताको शंखरापुर नगरप्रमुख रमेश नापितले गर्नुभएको छ ।

प्रतियोगितामा १०१ जना खेलाडीले प्रतिस्पर्धा गरिरहेको प्रतियोगिताका मुख्य संयोजक रामकृष्ण सिं डंगोलले जानकारी दिनुभयो । दुई हजारभन्दा कम फिडे रेटिङ भएका खेलाडीलाई लक्षित गरी आयोजना गरिएको प्रतियोगिता फिडे इभेन्ट कोड ५०६१३१ अन्तर्गत सञ्चालन भइरहेको छ । वि.सं.२००९ सालमा पहिलो बुद्धिचाल प्रतियोगिता सञ्चालन भएको ऐतिहासिक सम्झनामा यो प्रतियोगिता आयोजना गरिएको उहाँले बताउनुभयो ।