न्याय क्षेत्रका विवादका विषय संसद्‌बाट निरुपण गर्नेबारे रास्वपा सचिवालयमा छलफल

१४ कात्तिक, काठमाडौं । राष्ट्रिय स्वतन्त्र पार्टी (रास्वपा) ले न्यायालयमा देखिएका विकृति र विसंगति तथा विभिन्न न्यायाधीशसँग जोडिएर सार्वजनिक भइरहेका नाम र विवादको विषयलाई संसदमार्फत सम्बोधन गर्नेगरी अघि बढ्ने बताएको छ ।

रास्वपाले सचिवालय बैठकमार्फत यस विषयलाई अदालत र सरकारमा मात्रै सीमित नराखेर संसदीय दलमार्फत सांसदहरूलाई निर्देशन दिएर संसद्मा छलफल तथा आवश्यक प्रक्रिया अघि बढाउने योजना बनाएको हो ।