न्यायाधीश जोडिएका विवाद संसद्‌मा लैजाने रास्वपाको निर्णय

राष्ट्रिय स्वतन्त्र पार्टी (रास्वपा) ले न्यायालयमा देखिएका विकृति र न्यायाधीशहरू जोडिएका विवादबारे संसद्मार्फत संवैधानिक प्रक्रिया अघि बढाउने निर्णय गरेको छ।

शनिबार बसेको पार्टीको सचिवालय बैठकले अदालत र न्यायपरिषद्बाट मात्रै यस्ता विवाद समाधान नहुने निष्कर्ष निकाल्दै समग्र न्यायक्षेत्रको पुनर्संरचनाका लागि यो विषय संसद्मा उठाउन आफ्नाे संसदीय दललाई निर्देशन दिएको हो।