वर्षा रोकिएपछि त्रिवि मैदान तयार, विराटनगर र सुदूरपश्चिमबीच ५-५ ओभरको खेल तय

काठमाडौं : नेपाल प्रिमियर लिग (एनपिएल) अन्तर्गत विराटनगर किंग्स र सुदूरपश्चिम रोयल्सबीच ५-५ ओभरको खेल हुने भएको छ। वर्षाका कारण कीर्तिपुरस्थित त्रिवि क्रिकेट मैदानमा शनिबार हुने एनपिएलका खेलहरू प्रभावित भएका छन्।

यसअघि लुम्बिनी लायन्स र चितवन राइनोजबीचको पहिलो खेल रद्द भएको थियो। उक्त खेल हुन नसकेपछि दुवै टोलीले १-१ अंक बाँडेका थिए। पूर्वनिर्धारित तालिकाअनुसार साँझ ५ बजे हुनुपर्ने शनिबारको दोस्रो खेल पनि वर्षाका कारण अन्योलमा परेको थियो।