इलाममा सत्याग्रहमा रहेका डा. गोविन्द केसीको स्वास्थ्यमा जटिलता, इलाम अस्पताल लगिँदै

चिकित्सा शिक्षा र स्वास्थ्य क्षेत्रमा सुधारको माग राख्दै इलाममा २५ औँ सत्याग्रह सुरु गरेका डा. गोविन्द केसीको स्वास्थ्य अवस्था गम्भीर बन्दै गएको छ। सत्याग्रहको तेस्रो दिनमा आइपुग्दा केसी शारीरिक रूपमा शिथिल बनेका छन् ।

‘सुगर घटेको रहेछ, अब बोल्न पनि गाह्रो हुन थाल्यो,’ पानी मात्र पिएर आमरण अनसन बसिरहेका डा. केसीले दुखेसो पोखे । स्वास्थ्यमा लगातार जटिलता देखिन थालेपछि उनलाई अहिले थप उपचारका लागि इलाम अस्पतालतर्फ लगिएको छ। यसअघि हिजो साँझ स्वास्थ्य जाँचका लागि अस्पतालको टोली पुगे पनि त्यसयता नियमित अनुगमन हुन सकेको थिएन।