लामो रस्साकस्सीपछि विराटनगरविरूद्ध सुदूरपश्चिम खेल्न तयार, ५ ओभरको खेलमा विराटनगर ब्याटिङमा

नेपाल प्रिमियर लिग (एनपिएल) अन्तर्गत विराटनगर किंग्स र सुदूरपश्चिम रोयल्सबीच अन्ततः खेल हुने भएको छ। वर्षाका कारण शनिबार त्रिवि क्रिकेट मैदानको आउटफिल्ड खराब भएपछि अन्योलमा परेको खेल लामो रस्साकस्सीपछि ५–५ ओभरमा खेलाउने सहमति भएको हो।

यसअघि साँझ ७:४० बजे खेल सुरु गर्ने तालिका रहे पनि आउटफिल्डको अवस्थालाई लिएर सुदूरपश्चिमले खेल्न मानेको थिएन। मैदानको अवस्था खेलका लागि सुरक्षित नभएको भन्दै सुदूरपश्चिमले टसमा समेत सहभागिता जनाएको थिएन।