औषधीय र औद्योगिक प्रयोजनका लागि गाँजालाई वैधता दिन सर्वोच्चको आदेश

काठमाडौँ- सर्वोच्च अदालतले गाँजाको औषधीय, वैज्ञानिक तथा औद्योगिक प्रयोजनका लागि नियन्त्रित खेती र उत्पादनको व्यवस्था मिलाउन सरकारका नाममा परमादेश जारी गरेको छ । अदालतले आदेश प्राप्त भएको मितिले तीन महिनाभित्र आवश्यक नियमावली, मापदण्ड र कार्यविधि तयार गरी कार्यान्वयनमा ल्याउन सरकारलाई निर्देशन दिएको हो ।

लागू औषध (नियन्त्रण) ऐन, २०३३ मा गाँजाको खेती, उत्पादन तथा तयारीका लागि इजाजतपत्र दिन सकिने व्यवस्था भए पनि सरकारले त्यसको कार्यान्वयनका लागि आवश्यक कानुनी प्रबन्ध नगरेको भन्दै सर्वोच्चले यस्तो आदेश दिएको हो ।