वर्षा र पहिरोले काभ्रे, खोटाङ र ललितपुरका सडक अवरुद्ध

काठमाडौं – लगातारको वर्षाका कारण खहरेखोलामा आएको बाढी र पहिरोले काभ्रे, खोटाङ र ललितपुरका विभिन्न सडकखण्ड अवरुद्ध भएका छन् । सडकमा लेदोसहित ढुङ्गामाटो थुप्रिनु र पहिरो खस्दा मुख्य राजमार्ग तथा स्थानीय सडकमा यातायात प्रभावित भएको हो ।

प्रहरी प्रधान कार्यालयले आज बिहान ६ बजे जारी गरेको सूचनाअनुसार काभ्रेको रोशी गाउँपालिका–९ पिन्थली र वडा नं. ८ गिम्दीबेँसीस्थित बीपी राजमार्ग अवरुद्ध भएको छ । खहरेखोलाबाट ढुङ्गामाटोसहितको लेदो बगेर सडकमा थुप्रिएपछि उक्त सडकखण्डमा यातायात पूर्ण रूपमा बन्द भएको प्रहरीले जनाएको छ ।