रासायनिक मल अनुदान बढ्दो, अभाव उस्तै

सरकारले प्रत्येक वर्ष रासायनिक मलमा अनुदान रकम बढाउँदै गए पनि हरेक वर्ष धान रोप्ने समयमा मल नपाउने किसानको समस्या भने उस्तै छ । सरकारले कृषिमा विनियोजन गरेको बजेटमध्ये धेरै हिस्सा मलको अनुदानमा जान्छ तर बजार माग अनुसार आयात नहुँदा मलको अभाव भने निरन्तर छ ।

कृषि, वन तथा पर्यावरण मन्त्रालयका अनुसार मुलुकमा वार्षिक न्यूनतम आठ लाख टन रासायनिक मल आवश्यक पर्छ । गत आर्थिक वर्ष २०८२/८३ मा पाँच लाख ६८ हजार टन मल आयात भएको छ । त्यसका लागि २८ अर्ब ८२ लाख रुपियाँ सुरु बजेट विनियोजन गरिएको थियो ।