डोल्पामा हिमपातका कारण ६ भारतीय पर्यटक सम्पर्कविहीन, उद्धारका लागि सेना परिचालन

सुर्खेत । डोल्पाको शे–फोक्सुन्डो गाउँपालिकामा अत्यधिक हिमपातका कारण दुई महिलासहित ६ जना भारतीय पर्यटक सम्पर्कविहीन भएका छन्।

डोल्पोबुद्ध गाउँपालिकाको धो क्षेत्रबाट फोक्सुन्डो तालतर्फ आउने क्रममा नुमला पास र वागला पास क्षेत्रमा उनीहरू हराएका हुन्। चक्रवात ‘अर्नब’को प्रभावले हिमपात भएपछि पर्यटकहरू हिउँमा फसेको आशंका गरिएको छ।