संसदीय समितिले थालेन काम

सुदूरपश्चिम प्रदेशको चालु आर्थिक वर्ष २०८३/८४ को बजेटमा रहेका त्रुटि र विवाद छानबिनका लागि गठित संसदीय छानबिन समितिले अझै काम थाल्न सकेको छैन ।

कात्तिक २० गतेभित्रै छानबिन प्रतिवेदन बुझाउनुपर्ने भए पनि समिति नै पूर्ण नभएका कारण काम अझै अगाडि बढाउन नसकिएको हो । प्रदेश सरकारले चालु आवका लागि दोस्रो पटक ल्याएको बजेटका विरुद्धमा सत्तापक्ष नै खरो उत्रिएका थिए । बजेट त्रुटिपूर्ण रहेको भन्दै व्यापक विरोध भएपछि संसदीय समिति गठन गरी छानबिन समितिले तयार पारेको प्रतिवेदनका आधारमा मङ्सिर १ गतेभित्र पूरक बजेट ल्याउने सहमतिमा असोज २७ गते बजेट पारित गरिएको थियो ।