बाढीपहिरोले आज पनि ५ सडक पूर्ण र ४ सडक एकतर्फी अवरुद्ध

काठमाडौं । बाढीपहिरोले आज पनि विभिन्न राजमार्ग अवरुद्ध छन्। बीपी राजमार्ग, कान्ति लोकपथ, मध्यपहाडी राजमार्गसहितका सडकखण्ड बाढी पहिरोले अवरुद्ध भएका हुन्।

शुक्रबार र शनिबार परेको अविरल वर्षाको कारण धेरै सडकमा पहिरो खसेको छ। बाढी पहिरोले पाँचवटा सडक खण्ड पूर्ण रूपमा र चारवटा सडक खण्डमा आइतबार एकतर्फी मात्रै गाडी चलेका प्रहरीले जनाएको छ।