म्यानचेस्टरका दुवै क्लबको खराब दिन

इंग्लिस प्रिमियर लिगमा म्यानचेस्टर सिटी र म्यानचेस्टर युनाइटेडले निराशाजनक हार बेहोरेका छन्। सिटीलाई ब्राइटनले १–० गोलले स्तब्ध बनाउँदा चेल्सीले म्यानचेस्टर युनाइटेडमाथि २–० को सहज जित निकालेको छ।

गत साता काराबाओ कपबाट बाहिरिएपछि ब्राइटनले सिटीसँग बदला लिएको छ। बुधबार भएको खेलमा सिटीसँग पेनाल्टी सुटआउटमा पराजित भएको ब्राइटनले शनिबार भने प्रिमियर लिगमा सिटीलाई उसकै मैदानमा हराएको हो।