हिमपातमा ६ भारतीय पर्यटक अलपत्र, उद्धार गर्न सेनाको हेलिकोप्टर जाँदै

लगातारको हिमपातका कारण डोल्पाको उच्च हिमाली क्षेत्रमा अलपत्र परेका ६ भारतीय पर्यटकको उद्धार गर्न नेपाली सेनाको हेलिकोप्टर परिचालन हुने भएको छ।

शे-फोक्सुण्डो गाउँपालिका-८ स्थित दानिगाड क्षेत्रमा हिमपातले आवागमन अवरुद्ध भएपछि पर्यटकहरू अलपत्र परेका हुन्। उनीहरूको उद्धारका लागि नेपाली सेनाको हेलिकोप्टर घटनास्थलतर्फ पठाउने तयारी गरिएको छ।