मण्डनदेउपुरमा निःशुल्क आँखा शिविर

कठमाडौं – काभ्रेको मण्डनदेउपुर नगरपालिका–९ लाकुरेधारमा सञ्चालन गरिएको निःशुल्क आँखा शिविरबाट १५० जना लाभान्वित भएका छन् । जिल्ला सहकारी सङ्घ र पञ्चकन्या महिला विकास बहुउद्देश्यीय सहकारी संस्थाको संयुक्त आयोजनामा शनिबार शिविर सञ्चालन गरिएको हो ।

शिविरमा आँखाका रोगीको स्वास्थ्य परीक्षण तथा उपचार गर्नुका साथै दृष्टिसम्बन्धी समस्याबारे परामर्श दिइएको थियो। परीक्षणका क्रममा मोतिबिन्दु पहिचान भएका बिरामीको निःशुल्क शल्यक्रिया गरिने आयोजकले जनाएको छ ।