दाङमा ८ भूमिहीन परिवारले पाए जग्गाधनी पुर्जा

दाङ । जिल्ला भूमि समस्या समाधान समिति दाङले जिल्लाका ८ भूमिहीन दलित परिवारलाई जग्गाधनी पुर्जा वितरण गरेको छ। लामो समयदेखि जग्गाको स्वामित्वबाट वञ्चित रहेका परिवारले पुर्जा पाएसँगै कानुनी रूपमा जग्गाधनी बन्ने अवसर पाएका हुन्।

समितिका अनुसार साविक गोवरडिया गाविस वडा नं. ६ ख (हाल गढवा गाउँपालिका–३) का ५ परिवार, साविक सोनपुर ५क (हाल लमही नगरपालिका–३) का २ परिवार र साविक लालमटिया ३त (हाल राप्ती गाउँपालिका–१) का १ परिवारलाई जग्गाधनी पुर्जा उपलब्ध गराइएको हो।