मुक्तिनाथ विकास बैंकको नाफा ४३ प्रतिशत बढेर ३२ करोड, सञ्चालन मुनाफा दोब्बरभन्दा बढी

काठमाडौं । मुक्तिनाथ विकास बैंकले चालु आर्थिक वर्ष २०८३/८४ को पहिलो त्रैमासमा ३२ करोड २४ लाख रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा ४३.४४ प्रतिशत बढी हो। गत वर्षको पहिलो त्रैमासमा बैंकले २२ करोड ४७ लाख रुपैयाँ नाफा कमाएको थियो।

बैंकको नाफा बढ्नुमा कर्जा नोक्सानी व्यवस्था (इम्पेयरमेन्ट चार्ज) मा आएको कमी र फि तथा कमिसन आम्दानीमा भएको वृद्धि मुख्य कारण देखिएका छन्। समीक्षा अवधिमा इम्पेयरमेन्ट चार्ज ७४.९७ प्रतिशतले घटेर १३ करोड ५४ लाख रुपैयाँमा झरेको छ। गत वर्ष यस्तो रकम ५४ करोड ११ लाख रुपैयाँ थियो।