जलवायु वित्त र श्रमिक अधिकारको माग गर्दै देशभर प्रदर्शन

काठमाडौँ ।

नेपालका विभिन्न श्रम सङ्गठनहरुले जलवायु वित्तको मागसहित श्रमिक अधिकारको संरक्षण तथा जोखिममा रहेका समुदायका आवश्यकताहरू सम्बोधन गर्नुपर्नेमा जोड दिएका छन् । अन्तर्राष्ट्रिय मुद्रा कोष र विश्व बैंकको वार्षिक बैठकमा सहभागी हुन विश्वका विभिन्न देशका अर्थमन्त्रीहरू, केन्द्रीय बैंकका गभर्नरहरू तथा अन्तर्राष्ट्रिय प्रतिनिधिहरू भेला भइरहेका छन् । सोही सन्दर्भमा नेपाललगायत विश्वभर जलवायु वित्त, श्रमिकको अधिकार रक्षाको माग गर्दै शुक्रवार र्‍यालीसहित कार्यक्रमको आयोजना गरिएको हो ।