प्राधिकरणले तिहारमा बिजुली व्यवस्थापन कसरी गर्दैछ ?

काठमाडौं । नेपालीहरूको महान् पर्व तिहार नजिकिएको छ । उज्यालोको पर्वका रूपमा चिनिने तिहारमा विशेषगरी लक्ष्मीपूजाको दिन देशभर झिलिमिली बनाउने प्रचलन छ । तिहारको लक्ष्मीपूजाका दिन सबैभन्दा धेरै विद्युत् खपत हुने गरेको छ ।

लक्ष्मीपूजाका दिन नेपाल विद्युत् प्राधिकरणले विद्युत् लोड व्यवस्थापनका लागि कसरी तयारी गरेको छ भन्ने विषयमा आम उपभोक्ताको चासो देखिएको छ । विगतमा लक्ष्मीपूजाका दिन अत्यधिक विद्युत् माग हुने गरेको छ । यस वर्ष प्राकृतिक विपत्तिले केही चुनौती थपेको भए पनि विद्युत् आपूर्तिमा कुनै समस्या नआउने प्राधिकरणले स्पष्ट पारेको छ ।