फिफा यू-१५ विश्वकपमा तेस्रो बनेको नेपाली टोली स्वदेश फर्कियो

काठमाडौँ- अजरबैजानमा आयोजित फिफा यू-१५ विश्वकप तथा फेस्टिभलमा सहभागी भएर नेपाली युवा फुटबल टोली स्वदेश फर्किएको छ। प्रतियोगिताको टियर ‘एफ’ मा प्रतिस्पर्धा गरेको नेपालले तेस्रो स्थान हासिल गर्दै प्रतियोगिता सम्पन्न गरेको हो।

तेस्रो स्थानका लागि भएको प्रतिस्पर्धात्मक खेलमा नेपालले ग्रेनाडालाई २-१ गोल अन्तरले पराजित गर्दै तेस्रो स्थान सुरक्षित गरेको थियो।