अध्यादेशमार्फत कानुन बनाउने प्रवृत्ति रोक्नुपर्छ : संविधानविद् अधिकारी

संविधानविद् विपिन अधिकारीले अध्यादेशमार्फत कानुन निर्माण गर्ने बढ्दो प्रवृत्तिप्रति चिन्ता व्यक्त गर्दै सरकारलाई संसदीय छलफल र नियमित विधायिकी प्रक्रियामार्फत कानुन निर्माण गर्न आग्रह गरेका सभामुख डीपी अर्यालको अभिव्यक्तिलाई प्रशंसनीय बताएका छन्।

अधिकारीले नियमित संसदीय प्रक्रियाको विकल्पका रूपमा अध्यादेशको अत्यधिक प्रयोग हुँदा संसद्को कानुन निर्माण गर्ने अधिकार, लोकतान्त्रिक छलफल, सार्वजनिक जवाफदेहिता तथा कार्यपालिका र व्यवस्थापिकाबीचको शक्ति सन्तुलनमा गम्भीर प्रश्न उठ्न सक्ने बताएका छन्।