गोली लागेर घाइते आदित्य पासवानको आईसीयूमा उपचार जारी, अवस्था स्थिर

काठमाडौँ। बाराको फेटा गाउँपालिका–३ मा अस्पताल उद्घाटनको विषयलाई लिएर भएको झडपमा गोली चल्दा गम्भीर घाइते भएका आदित्य पासवानको त्रिभुवन विश्वविद्यालय शिक्षण अस्पतालमा उपचार जारी छ ।

झडपमा गोली चल्दा घाइते भएका पासवानको हाल आइसियुमा राखेर उपचार भइरहेको अस्पतालका सूचना अधिकारी कालीप्रसाद रोस्याराले जानकारी दिए । अस्पतालका अनुसार उनको अवस्था स्थिर छ ।