हिमशिखर सहकारीको १८औँ साधारणसभा सम्पन्न, सम्पत्ति एक अर्बभन्दा बढी पुग्ने अनुमान

धनगढी । कैलालीको धनगढीमा मुख्य कार्यालय रहेको हिमशिखर बहुउद्देश्यीय सहकारी संस्था लिमिटेडको १८औँ वार्षिक साधारणसभा सम्पन्न भएको छ । शनिबार धनगढीमा आयोजित साधारणसभामा संस्थाको आर्थिक अवस्था, प्रगति, भावी योजना तथा सदस्यकेन्द्रित सेवा प्रवाहका विषयमा समीक्षा गरिएको छ ।

साधारणसभामा वार्षिक प्रतिवेदन प्रस्तुत गर्दै संस्थाका अध्यक्ष रोशन सिंहले स्थापनाकालदेखि नै सहकारीले सदस्यहरूको आर्थिक, सामाजिक तथा व्यावसायिक विकासमा योगदान पुर्‍याउँदै आएको बताए । सदस्यकेन्द्रित वित्तीय तथा गैरवित्तीय सेवा प्रवाहका कारण संस्थाप्रति सदस्यहरूको विश्वास र आकर्षण बढ्दै गएको उनको भनाइ थियो ।